Temenggung.com

Makai malam DAM ba Eastwood Valley.

Kena 15 Nov 2008 tu tadi kami ari Ruaikitai.com, Dayakbaru.com, enggau Rumahdayak.com bisi ngulu makai malam enggau Persatuan Dayak Miri tauka DAM ba Eastwood Valley.

Makai malam SPDP ba Eastwood Valley.

Kena 14 Nov 2008 tu tadi kami bisi dinner parti SPDP ba Eastwood Valley, kami ari ruaikitai.com bisi begulai ba siti meja iya ke dibenlanja eawan @ ruaikitai.com

Randau Ngemansangka Pelajar Anak

Sari tu iya 08 Nov 2008 - aku enggau bala raban ari Rumahdayak.com, Ruaikitai.com, enggau aku empu ngarika Dayakbaru.com bisi datai meri sukung ke pengawa Peransang Pelajar tu iya ke di atur bala sida DAM. Bisi tiga iti SK datai ba program tu iya nya SK Tudan, SK Lutong, enggau SK Senadin. 

Asean Bridge, Kuala Baram

Ngagai bala temuai ke enda nemu nama Asean Bridge - nyadi tu siti ari jembatan ke nyambung Miri enggau Brunei Darul Salam. Gambar tu diambi maya lemai ari maya aku ngambat penatai apai aku ari Marudi pulai ngena express.

Pulai Bejalai + Sunset

Lemai tu tadi aku bisi nurun bejalai ba jalai Bomba semak Airport Miri sambi mai camera laban aku sigi nganti Sunset ke bisi. Tang Sunset saritu enda berapa manah.

Nyemin Kubur Niang Aki - Ulu Teru.

Maya Gawai taun 2006 suba kami ba rumah panjai Lubok Kelambu, Ulu Teru bisi ngintu “Gawai Berantu”. Kami serumah bisi nyemin 5 iti pendam niang aki ini suba. 

Bejalai ke WP Labuan

Kena 9 August 2008 lalu aku bisi ke Labuan laban aku bisi ngatur training ba ISO 14001 EMS. Lemai pengabis kami training, dia aku bisi bejalai ngagai War Memorial tauka Peringatan Perang.

Gambar Ekot - Photography.

Gambar tu diambi maya ngintu pengerami melah pinang Barry enggau Diana ba Gua Longhouse, Bakam (30 Dec 2007). Gambar tu diambi enda ngena flash, tang camera mestika anang shaking laban iya tau ngasuh image nyadi blur tajapan camera nuan bisi anti-shaking. :p

Sukut Ruai Siber - MIRIfm

Tiap ari lima pukul 2 lemai, aku bisi bejaku ba radio MIRIfm bala Sukut Ruai Siber begulai enggau Bana Jimbat. Program tu mina dalam 5 minit aja - nyadi topik ke suah dibai aku iya nya topik pasal Internet, Tips meli barang IT, Tips ngaduka komputer, sereta utai bukai.

Baum Pasal Tabung Ruaikitai.com

Kena 09 Oktober 2008 tu tadi bala raban Ruaikitai.com ari Miri bisi baum ngaga siti Tabung Ruaikitai.com - nyadi tuju tabung tu dikena mantu nembiak Iban ke sekula ke deka nyambung ngagai University tauka ngagai Matrikulasi tang enda cukup belanja kena nurun baka kena meli tambang bilun enggau duit belanja.

Nitih ke langgur kami sebuat sapa-sapa aja raban Ruaikitai.com tauka raban luar ulih meri donation ngagai Tabung Ruaikitai.com tu laban akaun tabung tu udah digaga ba Maybank. Kita tau maca silik ba http://tabung.ruaikitai.com

Nyadi nembiak ke layak bulih bantu tu ila mestika nitih ka Term of Condition ti deka digaga tu ila.

Program Meri Tulung Pemadam Api

Kena 13 September 2008 tu tadi aku ngarika Ruaikitai.com sereta bala ari Sarawak Shell ti di ketuai Edward Awan Jawa (OIM) bisi datai ngagai Rh. Jumat Ulu bakong, Bintangor laban kami bisi Program Peransang Pelajar, Pengawa Offshore, sereta meri bantu Pemadam Api.

Pejalai kami ari Miri berengkah jam 7 pagi, datai ba Bintangor semak jam 3 lemai - kami disambut enggau cukup adat enggau basa. Bisi sekeda sida iya madah YB datai enda mih ngemanah tu sambut sida iya.

Nemuai sereta meri “Parenting Talk” ba Sebuti.

Kena 25 May 2008 suba bala raban Ruaikitai.com bisi datai nemuai ngagai rumah Pipitmanchal @ Harold Wilson ba Sebuti, nyadi Dr. John Brian maya nya mega lalu dikangau ke bala ba rumah panjai di asuh meri “Parenting Talk” ngagai sida iya enda lama.

Tajapan program kami enda lama, tang reti iya cukup besai ngagai bala apai indai dalam bakani ngajar anak nyadi pintar ba pengidup.

Program Motivasi ba Pasar Saratok.

Kena 04 Oktober 2008 tu tadi aku enggau Martin Entamin ari Miri bisi ngaga Saratok laban bisi meri program Motivasi Peransang Pelajar ngagai sida SADIA pampang Saratok serta nembiak Secondary.

Pengawa tu diketuai olih Martin Entamin ari DAM - bala speaker ke bukai ke bisi datai meri tulung iya nya Dr. Chemaline Osup, Dr. Dusit Jaul, Dr. John Brian, enggau Menggai Mikui (President SDNU).

Program tu berengkah ari jam 8 pagi sampai jam 5 lemai. Udah nya program ngalih malam disambung ba panjai Kemidan, Saratok.

Ngagai Belaga, Kapit.

Kena 20 September 2008 tu suba aku, Dr. Elli Luhat, enggau Dr. John Brian bisi nemuai ngagai Belaga, Kapit dua malam laban bisi meri program “Parenting” ngagai apai indai sereta bala cikgu, kelimpah ari nya mega kami bisi bejaku pasal “Jatropha Superbulk” siti ari utai tanam ke tau digaga nyadi minyak diesel tauka dikumbai kitai Biodiesel.

Pejalai kami kin nengah jalai kayu balak - aku cukup takut laban adat jalai kayu balak enda sama baka jalai biasa kitai ngelamatu. Patut orang ngumbai adat jalai kayu balak nya “Law of the jungle”.

Ngagai Kota Sanggau, Indonesia.

Bulan tujuh (July) 2008 tu tadi aku enggau Dr. John Brian sereta raban bukai bisi nemuai ngagai Kota Sanggau, Indonesia. Nyadi batang pejalai kami kin iya nya enggau orang ngerami ari Gawai Dayak Festival.

Jalai ke ditengah kami iya nya nengah sempadan ba Tebedu, lalu pejalai ngagai Kota Sanggau ngambi masa 3 jam laban jalai tunga kin enda berapa manah tambah agi aku ke driba agi baru ba menoa orang nya. Aku agi ingat raban siko madah “We always wrong” tajapan orang ari sepiak nyin ngelantak kitai dulu, siti agi jaku iya ke agi di ingat ke aku iya nya “Make sure your car horn is good”. :p

Program Motivasi ba Lemanak, Engkelili.

Kena 18 - 19 October 2008, bala raban Ruaikitai.com, Rumahdayak.com, Dayakbaru.com, sereta raban ari Sarawak Shell bisi ngaga program ba Rh Dimbap, Serubah Ili, Lemanak.

Nyadi program ke digaga kami iya nya progam meri pemadam api iya ke dibelanja olih Sarawak Shell sereta program meri Motivasi ngagai 10 buah rumah panjai ke bisi datai.

Penatai kami ngena dua iti bas catar ari Miri disambut sida iya mega cukup manah.

Rumahdayak.com 3rd Anniversary

Kena 11 Oktober 2008, Rumahdayak.com bisi ngintu ari pengada ke-3 taun udah online. Nyadi pengerami tu udah digaga ba GCM Miri, lalu temuai enggau raban ke bisi datai iya dalam 100 iko. Pemakai mai kediri magang lalu dikunsi sama, bisi mega mina meri duit aja ketegal enda ulih nyediaka pemakai. VIP ke bisi di undang iya nya YB Andy Chia, dua kali iya datai - sekali pagi lalu sekali lemai nya.

Ari aku empu meri besai terima kasih sereta tahniah ngagai raban komiti ke bisi enggau laban udah ngatur pengawa tu enggau cukup manah.

Few lessons from life.

1. Time is like a river. You cannot touch the same water twice, because the flow that has passed will never pass again. Enjoy every moment of life…
2. First I was dying to finish my high school and start college. And then I was dying to finish college and start working. Then I was dying to marry and have children. And then I was dying for my children to grow oil enough so i could go back to work. But then I was dying to retire. And now I’m dying. And suddenly I realized I forgot to live. Please don’t let this happen to you. Appreciate your current situation and enjoy each day.
3. Never explain yourself to any one. Because the person who likes you doesn’s need it, and the person who dislikes you won’t believe it.
4. When you keep saying you are busy, then you are never free. When you keep saying you have no time, then you will never have time. When you keep saying that you will do it tommorow, then tommorow will never come.
5. When we wake up in the morning, we have two simple choices. Go back to sleep and dream, or wake up and chase those dreams. Choice is your…
6. Don’t let someone become a priority in your life, when you are just an option in their life… Relationships work best when they are balanced.
7. We make them cry who care for us. We cry for those who never care for us. And we care for those who will never cry for us. This is the truth of life, its strange but true. Once you realise this, its never too late to change.
8. Don’t make promise when you are in joy. Don’t reply when you are sad. Don’t take decision when you are angry. Think twice…, Act Wise.